Kooxda Chelsea ayaa la sheegayaa inay ciyaartoy iska iibin doonto
 |
Warka ciyaaraha || Arbaco Taariikhda 8/1/2025 |
● Kooxda Chelsea ayaa diyaar u in ay iibiso ugu yaraan 6 xiddig oo kooxdeeda sida ay sheegayaan wararku.
Tababaraha Blues ayaa albaabka u furay in uu iska iibiyo qaar ka mid xiddigaha kooxdiisa suuqa January.
Sida laga soo xigtay Daily Mail, Renato Veiga ayaa ka mid iyaga oo ay xiiseynayaan kooxaha Premier League ee Wolves iyo Bournemouth.
Sidoo kale waxa ka mid xiddiga daafaca ka ciyaara ee Ben Chilwell kaas oo boos ka waayay kooxda Maresca.
Xiddigaha Carney Chukwuemeka, Cesare Casadei, Christopher Nkunku, Axel Disasi iyo Kiernan Dewsbury-Hall ayaa ka mid xiddigaha ay kooxdu diyaarka u tahay in ay iska iibiso.
__________________________________________________________
Xiddiga Barcelona ee Lamine Yamal ayaa Barcelona heshiis cusub la galay :
 |
Warka ciyaaraha || Arbaco Taariikhda 8/1/2025 |
● Lamine Yamal ayaa mustaqbalkiisa fog u hibeeyey kooxda Barcelona kadib markii uu daaha ka qaaday in uu heshiis cusub ku dhow yahay.
Qandaraaska uu haatan kula jiro waxa uu dhacayaa 2026 laakiin waxa uu haatan diyaar u yahay in uu qalinka ku duugo heshiis cusub kadib markii uu sheegay in Barcelona ay tahay “kooxda nolosheyda”.
“Ma garanayo goorta (heshiiska la saxiixi doono), laakiin waxaan aaminsanahay inuu dhawaan dhici doono,” ayuu u sheegay CNN Sport.
“Ugu dambayn, Barça waa naadiga nolosheyda. Waxaan rajeynayaa inaan cusbooneysiiyo qandaraaskeyga iyaga oo aan la joogo ilaa inta suurtagal ah.
“Waxaan doonayaa inaan ka ciyaaro horyaalka Spain. Waxaan rabaa inaan u ciyaaro Barça, haa, waan cusbooneysiin doonaa qandaraaskeyga. waan yeeli doonaa.”