 |
| Galkacyo |
Sabti, (Caaqil News), Shir lagu xallinayo colaadda beelaha ee ka taagan galbeedka gobolka Mudug ayaa lagu wadaa inuu saaka, Sabti, ka furmo magaalada Gaalkacyo.
Shirkan ayaa ah mid dhammaystir u ah dadaalladii nabadeed ee dhawaanahan ka socday Gaalkacyo, kuwaas oo ay wadeen mas’uuliyiinta Puntland iyo Galmudug si ay xal waara ugu helaan colaadda ka taagan deegaanka.
Go’aamo ay si wadajir ah u soo saareen labada maamul ayaa lagu xusay tallaabooyin lagu xakameynayo colaadda, si looga hortago isku dhacyo hor leh. Go’aannadan oo ka kooban toddoba qodob, waxaa kamid ah:
Kala fogeynta maleeshiyaadka labada beelood iyo dejintooda goobihii hore loogu asteeyey, kuwaas oo kala ah Bandiiradley iyo Galdogob.
Dib u hawlgelinta ciidamadii nabadgelyada ee labada beelood, si loo sugo amniga.
Dardargelinta qabashada guddiga xeerbeegtida iyo culimada, kuwaas oo ka garnaqi doona khilaafka, iyadoo la raacayo heshiiskii labada beelood ee dhacay 2-dii Oktoobar 2024.
La-tashiyo lagala yeelanayo odayaasha dhaqanka labada dhinac, si heshiiska loo dhaqan geliyo.
Puntland iyo Galmudug ayaa ku adkaystay muhiimadda ay leedahay nabadda iyo wada-noolaanshaha, iyagoo dadaal dheeraad ah gelinaya sidii xal waara loogu heli lahaa colaadda soo noqnoqotay.