Muqdisho Oo U Diyaar Garowday Soo Dhaweynta Gudoomiyaha Midowga Afrika

23-March-2025

 

Warka maanta - (Caaqil News)-  Muqdisho caasimadda Soomaaliya ayaa saaka si weyn looga dareemayaa qaban qaabada soo dhaweynta Gudoomiyaha Midowga Afrika Maxamuud Cali Yuusuf oo lagu wado inuu maanta soo gaaro magaalada Garoonka diyaaradaha Aadan Cadde ayaa ah halka uu ka soo degi doono wafdiga guddoomiyaha waxaana halkaas laga dareemayaa diyaar garow ballaaran oo ay wadaan mas'uuliyiinta dowladda iyo diblumaasiyiinta Midowga Afrika Socdaalka Maxamuud Cali Yuusuf ayaa ah kii ugu horreeyay ee uu ku yimaado Muqdisho tan iyo markii xilkaan loo doortay Waxaa la hadal hayaa inuu kulamo muhiim ah la yeelan doono madaxda sare ee Soomaaliya si ay uga wada hadlaan arrimo dhowr ah oo la xiriira xaaladda amniga dagaalka ka dhanka ah Al Shabaab iyo doorka Midowga Afrika ee Soomaaliya

Sida wararku sheegayaan guddoomiyaha Midowga Afrika waxa uu si gaar ah ula kulmi doonaa Madaxweyne Xasan Sheekh Maxamuud iyo Raysal Wasaare Xamse Cabdi Barre Waxaa la filayaa in wada hadalladoodu diiradda saari doonaan howlgalka cusub ee dowladda Soomaaliya ay wado si dalka looga xoreeyo Al Shabaab Garoonka diyaaradaha Muqdisho ayaa saaka si weyn loo adkeeyay amnigiisa iyadoo la arkayo ciidamo badan oo sugaya ammaanka goobaha muhiimka ah Wafdiga Guddoomiyaha Midowga Afrika ayaa la filayaa in ay la socdaan saraakiil sare oo ka tirsan ururka Midowga Afrika iyo diblumaasiyiin heer caalami ah Xukuumadda Soomaaliya wali si rasmi ah uma xaqiijin socdaalka la hadal hayo ee Guddoomiyaha Midowga Afrika hase yeeshee warar hoose ayaa muujinaya in diyaar garowga socdaalkaan uu yahay mid heer sare ah

Soomaaliya iyo Midowga Afrika waxay leeyihiin xiriir dhow gaar ahaan dhanka amniga iyo nabadgelyada Ciidamada Midowga Afrika ee ATMIS ayaa door muhiim ah ka ciyaaray dagaalka ka dhanka ah Al Shabaab iyagoo dowladda Soomaaliya ka caawinaya dib u xoreynta deegaanada ay gacanta ku hayaan kooxaha argagixisada ah Sida la filayo Maxamuud Cali Yuusuf wuxuu kala hadli doonaa madaxda sare ee Soomaaliya sidii loo dardargelin lahaa taageerada Midowga Afrika ee hawlgallada socda iyo sidii ATMIS ay uga guuri lahayd Soomaaliya si mas'uuliyadda amniga loo wareejiyo ciidamada dowladda Howlgalka cusub ee sanadkan ka bilaabanaya Soomaaliya ayaa ah mid la rajeynayo inuu noqdo wejigii ugu dambeeyay ee dagaalka lagaga saarayo Al Shabaab Dowladda Soomaaliya ayaa horey u sheegtay in ay xoojin doonto dagaalka si loo xaqiijiyo amniga guud ee dalka

Madaxweynaha Soomaaliya Xasan Sheekh Maxamuud oo hadda ku sugan Hirshabelle ayaa la filayaa in uu kulan fogaan arag ah la yeesho Guddoomiyaha Midowga Afrika si ay uga wada hadlaan xaaladda amniga iyo iskaashiga labada dhinac Dowladda Soomaaliya ayaa muddooyinkii dambe dadaal xooggan gelisay sidii loo heli lahaa taageero caalami ah oo lagu dhameystirayo dagaalka lagula jiro kooxaha argagixisada ah Kulanka maanta ee la filayo inuu dhaco wuxuu noqon karaa mid horumarin kara xiriirka Soomaaliya iyo Midowga Afrika Dhinaca kale shacabka Muqdisho ayaa si weyn u hadal haya socdaalka Maxamuud Cali Yuusuf iyagoo filaya in uu wax weyn ka beddeli doono qorshaha amniga ee dalka Wafdiga Guddoomiyaha ayaa la filayaa in ay booqashooyin kala duwan ku sameeyaan xafiisyada dowladda iyo xarumaha Midowga Afrika ee Muqdisho

Mid ka mid ah qodobada ugu muhiimsan ee kulamada uu la yeelan doono madaxda Soomaalida ayaa ah sidii loo dardargelin lahaa taageerada Midowga Afrika ee ku aaddan dhismaha ciidanka xoogga dalka Xukuumadda Soomaaliya waxay horay u shaacisay in ATMIS ay si tartiib tartiib ah uga bixi doonto Soomaaliya iyadoo mas’uuliyadda amniga si buuxda loogu wareejinayo ciidamada Soomaaliya sanadka 2024 2025 Sida laga soo xigtay ilo diblumaasiyadeed Maxamuud Cali Yuusuf wuxuu sidoo kale kala hadli doonaa madaxda dowladda sidii loo xoojin lahaa wada shaqeynta Midowga Afrika iyo dowladda Soomaaliya ee dhinacyada horumarinta siyaasadda iyo nabadgelyada Xiriirka Soomaaliya iyo Midowga Afrika ayaa muddo dheer ahaa mid aad u dhow iyadoo ururkan uu door muhiim ah ka ciyaaray nabadeynta dalka tan iyo 2007

Horey waxaa loo sheegay in dowladda Soomaaliya ay ka codsatay Midowga Afrika in ay sii xoojiyaan taageerada dhanka amniga si gaar ah xilligan ay socdaan dagaallo ka dhan ah Al Shabaab Sidoo kale kulanka Guddoomiyaha Midowga Afrika iyo madaxda Soomaalida ayaa la filayaa in uu sahli doono wadahadalada ku saabsan mustaqbalka Soomaaliya iyo kaalinta Midowga Afrika ee arrimaha Soomaaliya Sida la ogsoon yahay Midowga Afrika wuxuu mar walba taageeray dadaallada ay waddo Soomaaliya si ay u hesho nabad waarta iyo xasillooni Diblumaasiyiinta qaar ayaa rumeysan in socdaalka Guddoomiyaha Midowga Afrika uu qeyb ka yahay dadaallada ay wadaan dalalka gobolka si loo xoojiyo dagaalka ka dhanka ah Al Shabaab Dowladda Soomaaliya ayaa dadaal ugu jirta sidii ay gacan uga heli lahayd Midowga Afrika iyo beesha caalamka si ay u suurtagasho in Soomaaliya ay si buuxda u hanato ammaankeeda

Guddoomiyaha Midowga Afrika ayaa la filayaa in uu dhageysto warbixino la xiriira xaaladda amniga Soomaaliya iyo sida ay dowladda uga shaqeyneyso sugidda amniga iyo xasilloonida Intii uu Muqdisho joogo Maxamuud Cali Yuusuf wuxuu la kulmi doonaa mas’uuliyiin ka tirsan ATMIS si uu uga war helo doorkooda iyo guulaha ay ka gaareen howlgaladooda Soomaaliya Soomaaliya waxay haatan ku jirtaa xilli kala guur ah iyadoo dagaalka Al Shabaab uu marayo heer xasaasi ah waxaana socda qorshayaal lagu xoojinayo ciidamada dowladda si ay u gaaraan guulo waaweyn Dowladda Soomaaliya ayaa ka go’an in la dhammeeyo dagaalka iyadoo raadinaysa taageero ballaaran oo ka timaada Midowga Afrika iyo dalalka saaxiibka la ah Soomaaliya

Guddoomiyaha Midowga Afrika ayaa la filayaa in uu si rasmi ah war uga soo saaro waxyaabaha ay kala hadleen madaxda dowladda Soomaaliya kadib marka uu dhameysto kulamadiisa rasmiga ah Socdaalka Maxamuud Cali Yuusuf ee Muqdisho ayaa lagu tilmaamay mid muhiim ah maadaama uu imanayo xilli Soomaaliya ay wajaheyso dagaallo muhiim ah oo ay kula jirto Al Shabaab iyo xilli la filayo in Midowga Afrika uu go’aan ka gaaro mustaqbalka ATMIS Sidaasi darteed Muqdisho ayaa maanta martigelin doonta kulan heer sare ah oo lagu falanqeyn doono arrimaha amniga siyaasadda iyo iskaashiga Midowga Afrika iyo Soomaaliya iyadoo natiijooyinkiisa la sugayo in ay go’aamiyaan jihada mustaqbalka Soomaaliya