Imaaraadka Carabta oo Duqayn ka Fuliyay Buuraha Calmiskaad

4-April-2025

Warka maanta - (Caaqil News)-  Habeenimadii xalay ayaa duqeymo culus oo qorshaysan waxay ka dhaceen qeybo kamid ah togga Miraale halkaas oo ay ku dhuumaaleysanayeen maleeshiyaad ka tirsan kooxda xiriirka la leh Al Qaacida ee Daacish Weerarkan ayaa waxaa fuliyeen saaxiibada Dowladda Puntland ee Imaaraatka Carabta sida lagu sheegay war rasmi ah oo ka soo baxay Taliska Howlgalka Ciribtirka Argagixisada ee Puntland

War saxaafadeedka ayaa lagu xaqiijiyay in duqeyntii xalay lagu dilay xubno firxadka Daacish ka tirsan oo halkaasi ku sugnaa kuwaas oo is uruursanayey si ay dib ugu abaabulaan dagaalladooda ka dhanka ah ammaanka gobolka Weerarkan ayaa la sheegay inuu ahaa mid si gaar ah loo bartilmaameedsaday iyadoo laga helay xog sirdoon oo sugan

Duqeymaha ayaa ka dhacay aagga Ceelka Togga Miraale oo ah goob ay mararka qaar Daacish u adeegsato xarumo ay kaga dhuuntaan ciidamada ammaanka iyo dagaallada ay ka wadaan gobollada Puntland Xogta la helay ayaa muujineysa in firxadka kooxda ay halkaas ku abaabulayeen howlgal cusub balse la fashiliyey ka hor inta aysan dhaqaaq samayn

Ciidamada Dowladda Puntland ayaa saaka ku sugan deegaanno aan ka fogeyn goobaha la duqeeyay iyagoo sii ambaqaaday howlgalka lagu baacsanayo firxadka Daacish Saraakiisha ammaanka ayaa sheegay in maalmaha soo socda ay qorsheynayaan in ay gaaraan aagagga ay ku sugan yihiin xubnaha harsan ee kooxda si loo burburiyo dhamaan godadkooda sirta ah

Howlgalkan wuxuu qeyb ka yahay dadaallada ballaaran ee Dowladda Puntland ay kula dagaallameyso kooxaha argagixisada kuwaas oo waqtiyo kala duwan weerarro ka geystay deegaannada Puntland Hoggaanka ammaanka Puntland ayaa marar badan ku celceliyay in aysan ogolaan doonin in kooxaha xagjirka ah ay saldhigyo ka samaystaan dhulka Puntland

Duqeymahan waxay muujinayaan sida Imaaraatka Carabta ay uga go’an tahay inay taageeraan Puntland la dagaallanka argagixisada Tan iyo markii la xoojiyay iskaashiga Puntland iyo Imaaraatka waxaa kordhay weerarrada dhabta ah ee ka dhanka ah Daacish iyo Al Shabaab kuwaas oo horay uga fulin jiray weerarro argagixiso gudaha Soomaaliya

Waa markii labaad muddo dhowr bilood gudahood ah oo duqeyn ceynkan ah lagu beegsado Daacish gudaha Puntland Weerarkii hore ayaa dhacay bishii hore markaas oo la weeraray xarun ay kooxdaasi ku laheyd buuraha Galgala Weerarada xiriirka ah ee dhulka iyo cirka ah ayaa sababay in kooxda ay lumiso meelo istiraatiiji ah oo ay horey u maamuli jirtay

Wararka ka imaanaya aagga la duqeeyay ayaa muujinaya in khasaaraha Daacish uu aad u badan yahay waxaana socda baaritaano lagu xaqiijinayo tirada rasmiga ah ee dagaalyahannada la dilay Ilo sirdoon oo Puntland ka tirsan ayaa sheegaya in duqeyntu ahayd mid bartilmaameed sugan loo fuliyay taasoo keentay in laga takhaluso xubno sare oo kooxda ah

Dadka deegaanka ayaa soo warinaya in ay maqlayeen qaraxyo culus xalay kuwaas oo la rumeysan yahay inay ahaayeen gantaalladii lagu garaacay fadhiisimada Daacish Sida la sheegay weerarka ayaa socday saacado badan iyadoo ay barbar socdeen hawlgallo kale oo ciidamada Puntland ay dhulka ka wadeen

Saraakiisha ammaanka Puntland ayaa sheegay in howlgalkan uu qeyb ka yahay istiraatiijiyadda cusub ee lagu beegsanayo kooxaha argagixisada si looga hortago halista ay ku hayaan ammaanka guud ee Puntland iyo Soomaaliya Waxay sheegeen in aysan jirin wax xasillooni ah oo la siinayo Daacish iyo kooxaha kale ee isku dayaya in ay gacan ku hayaan deegaanno ka tirsan Puntland

Duqeymaha noocan ah ayaa ah kuwa wax ku ool ah maadaama ay dhibaato ku yihiin kooxaha argagixisada ee isku dayaya inay dib isu abaabulaan Puntland iyo saaxiibadeeda dagaalka ka dhanka ah argagixisada ayaa si joogto ah u raadraacaya xubnaha firxadka ah ee isku dayaya inay dib usoo laabtaan

Inkastoo Daacish ay weerarro ka fuliso qeybo kamid ah Soomaaliya haddana waxay Puntland u tahay bartilmaameed muhiim ah maadaama ay jiraan kooxo ku dhuumaaleysanaya buuraha waqooyi ee Soomaaliya Taliska howlgalka Puntland ayaa ballan qaaday in la bixin doono dadaal dheeri ah si meesha looga saaro haraadiga kooxda

Shacabka Soomaaliyeed ayaa si dhow ula socda howlgalkan iyagoo rajo weyn ka qaba in gebi ahaanba laga ciribtiro Daacish iyo Al Shabaab Duqeyntan waxay sii xoojinaysaa dadaallada ballaaran ee ay dowladda Puntland wado iyadoo ay barbar socdaan dadaallo diblomaasiyadeed oo lagu xoojinayo iskaashiga caalamiga ah

Xiriirka Puntland iyo Imaaraatka Carabta ayaa maraya heerkii ugu sareeyay waxaana taasi ay fududeysay in la helo gacan militari oo awood badan leh si loola dagaallamo argagixisada Imaaraatka ayaa si rasmi ah u caddeeyay in ay sii wadayaan taageeradooda si loo xaqiijiyo xasilloonida Puntland iyo guud ahaan Soomaaliya

Weerarada ka dhanka ah Daacish ayaa hadda u muuqda kuwo la sii xoojinayo waxaana lagu wadaa in maalmaha soo socda ay sii socdaan howlgalada ay Puntland ka wado meelaha ay kooxaha argagixisada isku uruursanayaan Sida la saadaalinayo ciidamada dowladda waxay qorsheynayaan in ay dhulka ku jebiyaan firxadka Daacish si ay uga hortagaan dib u soo kabashadooda

Khabiirro dhanka ammaanka ah ayaa sheegaya in howlgalada Puntland ee ka dhanka ah Daacish ay yihiin kuwa la jaanqaadaya xeelado cusub oo lagula dagaallamayo kooxaha xagjirka ah Duqeynta cirka iyo hawlgallada dhulka ah ayaa ah qaab istiraatiiji ah oo lagu go doominayo firxadka kooxda

Weerarada cirka ayaa ah kuwa Daacish ku keeni kara dhibaato weyn maadaama aysan haysan wax difaac ah oo ay kaga hortagayaan duqeymaha diyaaradaha dagaalka Sidaas darteed weeraradan waxay wax badan ka beddeli karaan awoodda kooxda iyagoo luminaya dagaalyahannadooda iyo xarumohooda istiraatiijiga ah

La dagaallanka argagixisada ayaa ah mid aan la fududeysan karin waxaana looga baahan yahay in si wadajir ah loo wajaho Puntland ayaa u muuqata mid si xooggan u hormarineysa dadaalladeeda iyadoo kaashaneysa saaxiibadeeda caalamiga ah

Inkastoo Daacish laga dilay dagaalyahanno badan haddana kooxda wali waxay halis weyn ku tahay nabadda iyo xasilloonida gobolka Sidaas darteed duqeynta xalay waxay muujineysaa sida aysan Puntland ugu ogolaaneyn in kooxdu ay dib u hesho awood ay ku dhibaateyso shacabka

Ugu dambeyn howlgaladan waxay muujinayaan sida Puntland ay uga go’an tahay la dagaallanka argagixisada Dadka Soomaaliyeed ayaa rajo weyn ka qaba in dagaalkan uu noqon doono mid guul leh si looga ciribtiro khatarta Daacish iyo kooxaha la midka ah