Maraykanka oo $5 milyan dul saaray haweeney Soomaaliyeed oo Daacish ah iyo Sababta

18-April-2025

 Warka maanta - (Caaqil News)-   Mareykanka ayaa si rasmi ah u shaacisay abaalmarin lacageed oo gaaraysa illaa 5 milyan oo doollar taas oo la siin doono cid kasta oo keenta xog muhiim ah oo horseedi karta in la helo haweeney lagu magacaabo Khadra Ciise oo caan ku ah magaca Ummu Qacqaac Soomaaliya kana tirsan kooxda Daacish ee ka dagaalanta bariga dhexe iyo qaar ka mid ah dalalka Afrika

Khadra Ciise ayaa lagu sheegay inay tahay muwaadinad Dutch ah oo asal ahaan kasoo jeedda Soomaaliya Sida lagu daabacay bogga waaxda Caddaaladda Mareykanka Khadra ayaa door firfircoon ku lahayd howlaha kooxda Daacish ee Suuriya gaar ahaan dhinacyada abaabulka weerarrada faafinta fikirka xagjirka ah iyo qorista xubno cusub oo kooxdu adeegsan jirtay

Warbixinaha ay baahisay dowladda Mareykanka ayaa muujinaya in Khadra Ciise lagu eedeeyay inay taageertay weerarro ismiidaamin ah oo lagu beegsaday dad rayid ah oo aan waxba galabsan islamarkaana ay si toos ah uga shaqeynaysay in dhalinyaro cusub loo helo kooxdan xagjirka ah

Sanadkii 2019 ayaa la sheegay in Khadra Ciise gacanta ku haysay labo ilmo oo Mareykan ah oo lagu kala magacaabo Yusuf iyo Zahra Shikder Caruurtaasi waxaa la sheegay in la afduubay kaddib geeridii hooyadood oo lagu dilay duqeyn Mareykanku la beegsaday dagaalyahanno Daacish ah oo ku sugnaa gudaha Suuriya Khadra ayaa carruurtaasi la aaday goob aan la garanayn oo xilligaas ku taallay Suuriya

Xogaha ayaa tilmaamaya in haweeneydan ay door muuqda ku lahayd xarumaha xannaanaynta caruurta dagaalyahannada ka tirsan Daacish ee la geeyo goobaha ay ka taliyaan kooxdaasi Arrintan ayaa qayb ka ahayd olole Daacish ay ku doonaysay inay ku kobciso jiil cusub oo leh fikir xagjir ah oo kooxdaasi ka dhaxlay

Dowladda Mareykanka ayaa haweeneydan ku dartay liiska dadka loogu doonista badan yahay adduunka iyagoo madaxkeeda dul dhigay lacag malaayiin doollar ah Warbixin ay soo saartay Waaxda Caddaaladda ee Mareykanka ayaa lagu sheegay in qof kasta oo keena xog sugan oo horseedi karta in la qabto ama la burburiyo shabakadda ay Khadra hoggaanka ka hayso uu u qalmi karo abaalmarintaas lacageed ee 5 milyan ah

Haddii aad hayso xog muhiim ah oo horseedi karta in la helo Khadra Ciise waxaad noqon kartaa qof u qalma abaalmarintan Waxa kale oo lagu xusay in xogta la helayo laga ilaalin doono cid kasta oo xogtaasi keenta iyadoo la siinayo magangalyo iyo ilaalin

Inkasta oo Khadra Ciise aysan ku sugnayn gudaha Soomaaliya haddana dowladda Soomaaliya ayaa si dhow ula socota dhaq-dhaqaaqyada dadka Soomaaliyeed ee ku lug leh kooxaha argagixisada ee caalamiga ah Mas’uuliyiin ka tirsan hay’adaha amniga dalka ayaa sheegay inay muhiim tahay in laga shaqeeyo sidii loo xakameyn lahaa dadka asal ahaan kasoo jeeda Soomaaliya ee ku biira kooxaha sida Daacish iyo Al Shabaab

Dowladda Soomaaliya ayaa sanadihii u dambeeyay qaaday tallaabooyin lagu adkeynayo la dagaallanka xagjirnimada iyadoo iskaashi dhow la leh dowladaha Mareykanka UK iyo Midowga Yurub

Tallaabadan Mareykanka uu qaaday ee abaalmarinta dul dhigidda Khadra Ciise ayaa qayb ka ah dadaallada baaxadda leh ee lagu doonayo in lagu wiiqo shabakadaha argagixisada ee caalamiga ah Maraykanku wuxuu horey abaalmarin lacageed ugu dul dhigay hoggaamiyayaal ka tirsan Al Shabaab Al Qaacida iyo Daacish oo horey weerarro uga geystay Soomaaliya iyo dalal kale

Waaxda Caddaaladda Mareykanka ayaa sheegtay in abaalmarinnada noocan oo kale ah ay horseedeen in la qabto hoggaamiyayaal sare oo kooxahaas ka tirsan ama lagu burburiyo shabakado ganacsi oo kooxdaasi dhaqaale ka heli jirtay

Sida lagu sheegay warbixinta Mareykanka Khadra Ciise weli waxaa la rumeysan yahay inay ku sugan tahay gudaha Suuriya gaar ahaan goobaha ay weli gacanta ku hayaan kooxaha Daacish Gobolkaasi ayaa muddooyinkii dambe noqday mid halis ah oo ay ka dhacaan weerarro qorsheysan oo lagu beegsado askarta dowladda Suuriya ciidamada Kurdiyiinta iyo xitaa ciidamada caalamiga ah ee Mareykanka hoggaamiyo

Maraykanka iyo xulafadiisa ayaa sii wada howlgallo ka dhan ah haraadiga Daacish iyadoo warbixino sirdoon oo kala duwan ay sheegeen in xubno sare oo Daacish ah ay isku dayayaan inay dib isugu abaabulaan gudaha Suuriya iyo meelo ka mid ah Ciraaq

Khadra Ciise waxay tusaale u tahay haweenka door firfircoon ka qaata kooxaha xagjirka ah ee caalamka iyadoo ay kordhayaan tirada haweenka ku lug yeesha howlaha abaabulka faafinta iyo daryeelka caruurta dagaalyahannada

Warbixin ay diyaariyeen hay’adaha caalamiga ah ee ka shaqeeya arrimaha amniga iyo la dagaallanka argagixisada ayaa tilmaamtay in kooxaha sida Daacish ay haweenka u adeegsadaan sidii wax tar weyn ugu yeelan lahaa kobcinta jiil cusub iyo suuqgeynta fikirka xagjirka ah

Abaalmarinta 5 milyan ee Mareykanku ku baaqay in lagu helo xog ku saabsan Khadra Ciise ayaa muujinaysa sida ay muhiimka u tahay in laga hortago haraadiga Daacish iyo shabakadaha ay weli ku leeyihiin gudaha Suuriya iyo dunida kale Waxaa la filayaa in tallaabadan ay dhiirigelin u noqon doonto dad badan oo xog ka haya dhaq-dhaqaaqyada haweeneydan iyo kooxdeeda 

Dowladda Soomaaliya iyo dalalka gobolka ayaa sidoo kale loogu baaqay inay si dhow ula shaqeeyaan hay’adaha caalamiga ah si loo sugo amniga loogana hortago in shakhsiyaad asal ahaan kasoo jeeda Somalia