Raiisul Wasaaraha Xukuumadda Federaalka Soomaaliya ayaa maanta ka Dagay Magaalada Laascaanood

12-April-2025

 

Warka maanta - (Caaqil News)-  Raiisul Wasaaraha Xukuumadda Federaalka Soomaaliya Xamse Cabdi Barre ayaa booqasho taariikhi ah ku yimid magaalada Laascaanood ee xarunta maamulka SSC Khaatumo Socdaalkani wuxuu noqday mid si weyn loo hadal hayey maalmihii u dambeeyey maadaama ay tahay markii ugu horreysay ee mas’uul heerkiisu yahay Raiisul Wasaare ka socda dowladda dhexe uu si rasmi ah u tago Laascaanood tan iyo markii dib u dhismay maamulka SSC Khaatumo Dadweynaha magaalada Laascaanood ayaa si diirran usoo dhoweeyey waftiga Raiisul Wasaaraha oo ka koobnaa xubno ka tirsan Dowladda Federaalka baarlamaanka saraakiil amni iyo shaqsiyaad kale oo muhiim u ah dowladda dhexe

Garoonka diyaaradaha ee magaalada Laascaanood ayaa subaxnimadii hore ee maanta u diyaargaroobay soo dhaweynta waftiga Raiisul Wasaaraha Waxaa halkaas isugu soo baxay odayaasha dhaqanka haweenka dhalinyarada iyo qaybaha kale ee bulshada kuwaas oo muujiyey dareenkooda farxadeed iyo sida ay ugu riyaaqeen in dowladda dhexe ay u muujiso muhiimadda ay leedahay magaalada Laascaanood iyo shacabka degaankaas Dadweynaha waxay wateen calanka Soomaaliya astaamaha nabadda iyo boorar ay ku qornaayeen erayo soo dhoweyn iyo midnimo muujinaya

Markii uu gaaray magaalada Raiisul Wasaare Xamse Cabdi Barre wuxuu la hadlay dadkii isugu soo baxay fagaaraha magaalada Khudbaddiisa ayaa ahayd mid qalbiga shacabka taabatay isagoo sheegay in socdaalkiisu yahay mid xambaarsan midnimo Soomaaliyeed nabad walaaltinimo iyo waxqabad Wuxuu tilmaamay in Laascaanood iyo guud ahaan SSC Khaatumo ay yihiin qayb aan ka go’in Soomaaliya shacabka deegaankana ay mudan yihiin in la dhageysto baahidooda lana xaqiijiyo inay helaan adeegyo dowladeed oo ay xaq u leeyihiin

Booqashada Raiisul Wasaaraha ayaa lagu sheegay mid dhowr maalmood qaadan doonta isaga oo inta uu joogo la kulmi doona hoggaanka maamulka SSC Khaatumo waxgaradka deegaanka haweenka dhalinyarada iyo qaybaha kale ee bulshada Waxaa sidoo kale uu kormeer ku tegi doonaa xarumaha dowladda isbitaallada iyo goobaha adeegyada bulshada ee magaalada Laascaanood Ujeedka ugu weyn ee socdaalka ayaa ah in la xoojiyo xiriirka Dowladda Federaalka iyo maamulka SSC Khaatumo lana dhageysto cabashooyinka iyo talooyinka shacabka deegaanka

Socdaalka Raiisul Wasaaraha waxa uu xambaarsan yahay fariin siyaasadeed oo muujinaysa sida dowladda dhexe uga go’an tahay ilaalinta midnimada dalka iyo ka shaqeynta nabadda gobollada Laascaanood waxay muddooyinkii dambe la daalaa dhacaysay xaalado amni oo kacsanaa iyo isbedbedel siyaasadeed waxaana socda dadaallo dib u heshiisiin iyo nabadeyn lagu xoojinayo Raiisul Wasaaraha wuxuu sheegay in dadka deegaanka SSC Khaatumo yihiin muwaadiniin Soomaaliyeed oo geesiyaal ah dowladda dhexe ay garabkooda taagan tahay islamarkaana aysan jirin cid ka go’aysa dowladnimada dalka

Inta uu socdaalku socdo waxaa la filayaa in Raiisul Wasaaruhu uu la fariisto odayaasha dhaqanka ee SSC Khaatumo iyada oo lagu gorfeynayo sidii loo xoojin lahaa nabadda deegaanka dib u heshiisiin loo abuuri lahaa bulshada iyo sidii looga hortagi lahaa wax kasta oo carqaladeyn kara wada noolaanshaha dadka deegaanka Dowladda Federaalka Soomaaliya waxay horey u ballanqaadday in ay door weyn ka qaadan doonto nabadeynta gobolka isla markaana la xaqiijin doono adeegyada muhiimka ah sida caafimaadka waxbarashada biyaha iyo horumarinta dhaqaalaha bulshada deegaanka

Dhinaca kale socdaalka Raiisul Wasaaraha ayaa leh muhiimad siyaasadeed oo ballaaran maadaama uu muujinayo sida dowladda dhexe u danaynayso midnimada dalka iyo ka talinta danta guud ee shacabka Soomaaliyeed meel kasta oo ay joogaan Magaalada Laascaanood oo muddooyinkii dambe ku jirtay xaalad siyaasadeed oo isbeddel ah ayaa safarka Raiisul Wasaaruhu u horseedi kara isbeddel xagga nabadda iyo horumarka deegaanka Waxaa sidoo kale socdaalkan laga rajaynayaa inuu sare u qaado kalsoonida shacabka deegaanka ku qabaan dowladda dhexe iyo maamulka SSC Khaatumo

Raiisul Wasaare Xamse Cabdi Barre wuxuu sheegay in dowladda Federaalka Soomaaliya ay mar walba ka shaqeyn doonto sidii loo xaqiijin lahaa adeegyada asaasiga ah ee bulshada islamarkaana la gaarsiin lahaa horumar la taaban karo oo ay ka mid yihiin xarumaha waxbarashada caafimaadka iyo wadooyinka muhiimka u ah isku socodka bulshada Waxaa la filayaa in waftiga Raiisul Wasaaraha ay qeyb ka noqdaan shirar muhiim ah oo lagu dardar gelinayo qorshooyinka dib u heshiisiinta horumarinta adeegyada bulshada iyo sugidda amniga guud ee magaalada Laascaanood iyo nawaaxigeeda

Shacabka deegaanka SSC Khaatumo ayaa si weyn u taageeray socdaalka Raiisul Wasaaraha iyaga oo u arka mid horseedi kara nabad waarta iyo horumar muuqda Dadka deegaanka ayaa sheegay in ay diyaar u yihiin in ay la shaqeeyaan dowladda dhexe iyo maamulka SSC Khaatumo iyaga oo ka codsaday in laga jawaabo baahiyahooda lana dhiso xarumo waxbarasho caafimaad iyo adeegyo kale oo muhiim u ah noloshooda Waxa ay sheegeen in gobolka ay u baahan tahay in laga qeyb geliyo miisaaniyadda qaranka lana siiyo adeegyada ay shacabka kale ee dalka ku nool heli karaan

Dhanka kale booqashadan Raiisul Wasaaraha ayaa ah fariin culus oo u dirtay cid kasta oo hor istaageysa midnimada dalka iyo dowladnimada Soomaaliya Dowladda Federaalka ayaa horay u sheegtay in aysan marnaba ogolaan doonin in la kala qaybiyo dalka shacabka Soomaaliyeedna ay yihiin mid walaalo ah oo ka dhaxeeya diin dhaqan iyo dal Socdaalkan waxa uu adkeynayaa in dowladda dhexe ay ka go’an tahay ilaalinta sharafta shacabka Soomaaliyeed meel kasta oo ay joogaan lana dhiso dowlad loo wada dhan yahay

Natiijada booqashadan ay noqoto mid wax ka bedesha xaaladda deegaanka lana xoojiyo nabadda horumarka iyo isku duubnida shacabka deegaanka SSC Khaatumo Raiisul Wasaaraha ayaa inta uu joogo magaalada kulamo kala duwan la yeelan doona qaybaha kala duwan ee bulshada isaga oo dhageysan doona talooyinkooda si loo xaqiijiyo nabad waarta wax wada qabsi iyo midnimo qaran oo aan la jebin karin